Shefi i NATO-s konferencë më Osmanin: Vizita ime demonstron përkushtimin e palëkundur për siguri afatgjatë në gjithë Kosovën

Sekretari i Përgjithshëm i NATO-s, Mark Rutte vizitoi sot Kosovën për herë të parë që nga marrja e detyrës.

Rutte u takua me presidenten Vjosa Osmani e kryeministrin Albin Kurti.

Lexo edhe :

Related Posts

Kreu i NATO-s viziton Kosovën, Mark Rutte takohet me Vjosa Osmanin e Albin Kurtin

“Ka ardhur koha që Kosova të jetë pjesë e NATO-s”, Osmani në konferencë me Rutte: Do të vazhdojmë të jemi aleat i besueshëm në luftën kundër kërcënimeve hibride

Në një konferencë të përbashkët për mediet me presidentetn Osmani, Sekretari i Përgjithshëm i NATO-s, tha se përkushtimi i aleancës “mbetet i njëjtë”.

Ai tha pas takimit me Presidenten se trupat e NATO-s po punojnë pa pushim në Ballkan dhe se një rajon më i sigurt i Ballkanit Perëndimor “nëkupton më shumë siguri për gjithë zonën e NATO-s”.

Rutte tha se vizita e tij e sotme është “një demonstrim i qartë i përkushtimit të palëkundur të NATO-s për siguri afatgjatë në gjithë Kosovën dhe pastaj për stabilitetin e rajonit”.

“Duhet të kemi të qartë se çka kemi para nesh: dekada të stërzgjatura të ndërtimit të paqes nuk mund të lihet anash. Jemi plotësisht gati për t’ju përgjigjur çfarëdo zhvillimi të sigurisë dhe në këtë kuptim shpresojmë të shohim një bashkëpunim edhe më të thellë midis institucioneve të Kosovës dhe KFOR-it në këtë drejtim. Kjo është shumë me rëndësi për ne”, tha ai.

Rutte tha se “NATO-ja do të vazhdojë të luajë rolin e vetë për sigurinë e të gjithëve”.

Stabiliteti në rajon, ai tha se “varet nga të gjitha palët”, ndërsa bëri thirrje që të zgjidhet “diplomacia para dhunës”.

“Zgjidhja për një çështje afatgjatë është politike”, tha ai.

Shefi i NATO-s tha se e mbështesin normalizimin e marrëdhënieve ndërmjet Kosovës dhe Serbisë.

“Kjo është e vetmja mënyrë për t’i zgjidhur çështjet e pazgjidhura dhe për të siguruar të ardhmen”, tha ai.

Në dialog, Rutte tha se “të dyja palët duhet të shfaqin fleksibilitet, të bëjnë kompromiset e duhura”.

“E kuptoj plotësisht që kjo kërkon vendime të vështira, por që duhet të shohim atë pamje më të gjerë. Normalizimi sjell stabilitet më të madh, më shumë mundësi investimi dhe pastaj siguri më afatgjatë për të gjithë rajonin”, tha ai.

Rutte ishte të hënën në Sarajevë, ku pas takimit me anëtarët e Presidencës së Bosnjë e Hercegovinës tha se “nuk është viti 1992” dhe se NATO-ja nuk do të lejojë që paqja të vihet në rrezik./vizionplus.tv