Donald Trump është zyrtarisht kandidati republikan per Shtëpinë e Bardhe. Ne konventën e Cliveland ne Ohajo ai siguroi votat e 1725 delegateve, nga 1237 qe i nevojiteshin. Multimiliarderi iu drejtua republikaneve me nje fjalim nga kulla Trump ne New York, ku deklaroi se kete kandidim nuk do ta harroje kurrë.
“Se bashku ne arritëm rezultat historik me numrin me te madh te votave ne total ne historinë e Partisë Republikane. Kjo është nje lëvizje, por duhet t’i shkojmë deri ne fund kësaj rruge”.
Përpjekjet e nje pjese te delegateve per te ndryshuar rregullat ne konvente dështuan dhe pas nje udhëtimi 13 mujor dhe lënien pas te 16 rivaleve, Trump u be kandidat zyrtar. Ne ditën e pare te konventës, vëmendja u përqendrua tek bashkëshortja e tij Melania dhe akuzat se fjalimi i saj ishte ne disa momente kopje e fjalimit te Mishele Obames ne vitin 2008, ndërsa ne ditën e dyte kreu i dhomës se përfaqësuesve, Paul Ryan u beri thirrje delegateve te bashkohen rreth Trump. Ai do te pranoje kandidaturën ditën e enjte. Rivalja demokrate Clinton, reagoi menjëherë ne rrjetet sociale, ku kërkoi ndihmën e amerikaneve per te mos lejuar qe Trump te hyje ne Shtëpinë e Bardhe.
