Administrata e Presidentit të Shteteve të Bashkuara të Amerikës, Donald Trump, është duke përgatitur sanksione të reja kundër Venezuelës, kundrejt një tjetër grupi zyrtarësh të lidhur me presidentin Maduro.
Masat për të ngrirë asetet në territorin amerikan, ndalimi i hyrjes në SHBA si dhe ndalimit i te berit biznes me amerikanët, mund të hyjnë ne fuqi ne fillim te kesaj jave. Sanksionet e reja pritet të penalizojnë sektorin e naftës dhe konsiderohen si masat më te rënda aktualisht për këtë vend, pasi Venezuela është e pasur me naftë por e dobët ekonomikisht.
Zyrtarët amerikanë ende nuk kanë bërë të ditur emrat e personave që do të preken nga sanksionet. Planifikimi i masave të reja vjen pas inaugurimit të asamblesë, e cila pritet të shkruajë Kushtetutën e re të vendit. Maduro dhe partia e tij në pushtet, marrin më shumë fuqi ekzekutive pas ndryshimeve.
