SHBA kanë regjistruar një rritje të ndjeshme të rasteve me covid-19 duke e tejkaluar edhe Kinën pasi numërohen më shumë se 85 mijë pacientë të infektuar.
Ky shtim agresiv i të sëmuëve vjen pasi presidenti Donald Trump parashikoi kthimin në normalitet pas vetëm dy javësh. Por një ditë më parë, pas telefonatës me homologun Xi Jinping ai ka konfirmuar se do të bashkëpunojë me Kinën në tejkalimin e krizës.
“Kina ka kaluar shumë dhe ka zhvilluar një kuptim të fortë të virusit. Ne po punojmë ngushtë së bashku. Shumë respekt!”.-shkroi Trump në Twitter.
Ndërkohë Zv. presidenti Mike Pence bëri të ditur se testet e koronavirusit janë vënë në dispozicion në të 50 shtetet dhe më shumë se 552,000 prej tyre janë kryer në shkallë vendi. Deri tani numërohen 1301 viktima.
Italia, Spanja dhe Gjermania renditen menjëherë pas Kinës për numrin e infeksioneve: identifikimi i rasteve ka ardhur në rritje pasi të treja vendet kanë shtuar testimet në masë.
Por Italia me 8215 viktima dhe Spanja me 4365 të vdekur, janë goditur rëndë në betejën me pandeminë. Sistemi shendetësor dhe ekonomia gjithashtu kanë reflektuar ndjeshëm krizën.
Ministrat e jashtëm të G-7-ës përmes një videokonference u angazhuan që përvec të tjerash të fokusojnë përpjekjet e përbashkëta në zbulimin e vaksinës, të kthejnë në vendet e tyre qytetarët e bllokuar dhe të mbrojnë ekonominë globale.
Më shumë se një e tretae popullsisë në botë është mbyllur në shtëpi pasi koronavirusi ka mbërritur në cdo shtet duke shkaktuar më shumë se 24 mijë të vdekur dhe mbi 500 mijë të infektuar.
SHBA, “SHPERTHEN” NUMRI I TE PREKURVE
TRUMP TELEFONON HOMOLOGUN KINEZ: BASHKE DO JA DALIM
