Shtetet e Bashkuara te Amerikës shprehen te shqetësuara me faktin se Serbia blen pajisje ushtarake nga Rusia dhe i bëri thirrje Beogradit që t’i ndërpresë transaksionet me Moskën, të cilat mund të nxisin sanksione.
AMBASADA E SHBA NE BEOGRAD
Moska, në mënyrë aktive, e kundërshton integrimin perëndimor të rajonit dhe përpiqet të pengojë zgjidhjen e tensioneve ndëretnike, perpiqet të margjinalizojë ndikimin e SHBA-së dhe të Bashkimit Evropian dhe t’i pengojë vendet e Ballkanit Perëndimor të ndjekin orientimin e tyre të pavarur. SHBA-ja dhe Rusia kanë vizione shumë të ndryshme për të ardhmen e Ballkanit Perëndimor. Ne i bëjmë thirrje të gjithë aleatëve dhe partnerëve tanë që të heqin dorë nga transaksionet me Rusinë që rrezikojnë të iniciojnë sanksione nga SHBA. Ne kemi shprehur vazhdimisht shqetësimin për blerjen e pajisjeve ushtarake ruse në Serbi.
Apeli i Uashingtonit vjen pasi presidenti Serb Aleksandar Vuçiç, konfirmoi pak ditë më parë se Serbia e ka kompletuar blerjen e sistemit raketor me dorëzimin e katërt të pjesëve të këtij armatimi modern.
Serbia eshte ne pritje edhe te dorëzimit te tankeve T-72 dhe disa automjete të blinduara, të cilat i mori si dhuratë nga Rusia, si dhe katër avionë luftarakë MiG-29s të prodhuar nga Bjellorusia.
Buxhetit serb per mbrojtjen ne vitit 2019 eshte rritur 28.7 për qind, përkatësisht nga 704 në 906 milionë dollarë. Me këtë rritje, Serbia ka arritur në krye të listës së vendeve të kontinentit evropian.
Ne tre vitet e fundit, Ushtria e Serbisë ka blerë nga Rusia 9 helikopterë luftarakë ndërsa sistemi raketor Pancir S1 është marrë në kuadër të një marrëveshjeje me Rusinë.
Në nëntor të vitit të kaluar ka reaguar edhe i dërguari i Departamentit amerikan të Shtetit për Ballkanin Perëndimor, Matthew Palmer, i cili nuk e ka përjashtuar mundësinë e vendosjes së sanksioneve ndaj Serbisë, për shkak të blerjes së pajisjeve ushtarake ruse.
Serbia dhe Rusia kanë nënshkruar marrëveshjen për bashkëpunim ushtarak në vitin 2013.
