Senati i Kongresit amerikan ka rënë dakord për një projektligj që lejon vendosjen e sanksioneve të reja ndaj Rusisë për ndërhyrjen saj në zgjedhjet presidenciale të nëntorit të vitit të kaluar. Liderët e të dyja partive në Kongres vendosën gjithashtu që drafti I ri të përfshijë kufizimin e kompetencave të Trump për të hequr sanksionet në fuqi kundër Rusisë. Trump ka thënë më herët se ka nevojë për liri veprimi lidhur me Kremlinin, por tashmë ai mund të vendosë veton ndaj projektligjit. Një veprim i tillë do të ushqente dyshimet për përkrahjen e presidentit ndaj Rusisë.
Senatori demokrat, Ben Cardin tha se marrëveshja ishte arritur pas negociatave intensive. Sipas tij, Kongresi synon t’i përcillte një mesazh të qartë presidentit rus Vladimir Putin në emër të popullit amerikan. Nga ana tjetër, Moska vazhdon të mohojë ndërhyrjet e saj në zgjedhjet presidenciale të 2016-s.
