SHBA-Rusi, pritet finalizimi i marrëveshjes

Të paktën 46 persona kanë humbur jetën dhe mbi 100 te tjerë janë plagosur në Homs të Sirisë nga dy shpërthime radhazi te makinave bombë në qendër të qytetit. Sulmi besohet se është kryer nga militantë të shtetit islamik dhe ka patur për shënjestër civilët në këtë qytet, pjesa më e madhe e të cilëve janë mbështetës të presidentit Asad. Sulmi terrorist ndodh pak pas arritjes së një marrëveshje paraprake mes sekretarit amerikan të shtetit Xhon Kerri dhe homologut të tij rus Lavrov për vendosjen e armëpushimit. Ky pakt pritet të finalizohet gjatë një takimi mes presidentit Obama dhe atij rus Putin. Rusia ka qenë në shënjestër të akuzave nga komuniteti ndërkombëtar, sipas te cilit bombardimet e saj Moska është përgjegjëse për vdekjen e qindra civileve. Ekspertet e huaj nuk kane nguruar t’i cilësojnë ato si krime lufte.