Ratifikimin i Marrëveshjes së Prespës nga parlamenti grek është përshëndetur edhe nga zyrtarët e lartë amerikanë.
Sekretari amerikan i Shtetit, Mike Pompeo shkruan se drejtuesit e Greqisë treguan vizion, guxim dhe këmbëngulje në miratimin e marfrëveshjes.
“Drejtuesit e Greqisë treguan vizion, guxim dhe këmbëngulje në synimet e tyre për të zgjidhur problemin e emrit që do t’i mundësojë Republikës së ardhëshme të Maqedonisë së Veriut që ta marrë vendin e saj që i përket në NATO dhe BE. SHBA-të e mbështesin këtë mundësi historike për përmirësimin e qëndrueshmërisë, sigurisë dhe mirëqenies në rajon”.
Edhe Këshilltari për Sigurinë Kombëtare, John Bolton uron dy kryeministrat, Tsipras dhe Zaev.
“Shtetet e Bashkuara e mbështesin këtë arritje të mrekullueshme, e cila do të ndihmojë qëdrueshmërinë dhe mirëqenien në Ballkan”.
