Atmosfera në takimin në Shtëpinë e Bardhë mes presidentëve amerikan e turk, Trump e Erdoan ishte miqësore, por mbështetës të partisë së kurdëve sirianë të Unionit Demokratik, PYD nuk e pritën mirë. Disa orë pas takimit ata u përplasën jashtë ambasadës turke në Uashington me rojat e sigurisë së presidentit Erdogan.

 

Nëntë persona u lënduar si pasojë e përleshjes dhe dy të tjerë u arrestuan. Sipas mediave, kanë qenë truprojat e presidentit që sulmuan disa protestues, që mbanin në duar flamuj të partisë PYD, që Turqia e konsideron terroriste, për shkak të lidhjeve me Partinë e Punëtorëve të Kurdistanit.

 

Shtetet e Bashkuara e shohin forcën kurde, YPG, si kyçe në luftën kundër Shtetit Islamik në Raka, por  në takimin me Trump, presidenti turk e përsëriti se është e papranueshme që kjo forcë të konsiderohet partner në rajon dhe se nuk duhet lejuar që forca të tilla të përdorin luftën kundër ISIS si mburojë për nacionalizëm.

 

 

Leave a Reply

Your email address will not be published.