Kryeministri i Kosovës Ramush Haradinaj, ka anuluar vizitën e tij ne SHBA-ve, për shkak se nuk ka mundur të pajiset me vizë.
Kolonel Greg Hapgood, zëdhënës i gardës së Iowa-s, ka thënë për Radion Evropa e Lirë se kryeministri i Kosovës, Ramush Haradinaj, ka anuluar vizitën e planifikuar ku më 11 janar ku do të merrte pjesë në një ngjarje të organizuar nga Komandanti i Gardës Nacionale. Kjo pasi ambasada amerikane ka refuzuar të pajisë me vizë kryeministrin Haradinaj pasi nga kabineti i kryeministrit Haradinaj njoftojnë se viza është ende në procedurë.
Por sipas Hapgood, në vendin e Haradinajt, do të marrë pjesë zëvendëskryeministri Behgjet Pacolli.
Një veprim i tillë vjen pas përpjekjeve të ligjvënësve të Kosovës për të ndryshuar ligjin për Gjykatën e Posaçme për Krime Lufte.
Ndërkohë, sipas mediave kosovare tre deputetë të Kuvendit të Kosovës, Blerta Deliu-Kodra, Armend Zemaj e Sllobodan Petroviç janë pajisur me viza dhe do të jenë të pranishëm në mesin e 4 mijë të ftuarve për lutjet e mëngjesit ne shtetet e bashkuara.