Shtetet e Bashkuara kanë kryer një tjetër sulm ajror duke synuar një objekt raketash të rebelëve Houthi në Jemen, sipas tre zyrtarëve amerikanë.
Sipas tyre, sulmi kishte në shënjestër katër raketa balistike Houthi që ishin përgatitur për tu lëshuar dhe përbënin një kërcënim për anijet tregtare dhe anijet e marinës amerikane.
Lexo edhe :
Related Posts
Të enjten mbrëma, SHBA dhe Mbretëria e Bashkuar përdorën raketa Tomahawk dhe avionë luftarakë për të goditur rreth 30 vendndodhje të rebelëve Houthi.
Sulmet ajrore pasojnë dy ditë sulmesh të vazhdueshme të Houthi-ve ndaj anijeve tregtare jashtë Detit të Kuq, duke e çuar në më shumë se 30 numrin e sulmeve me dronë dhe raketa Houthi atje dhe në Gjirin e Adenit që nga mesi i nëntorit.
Të hënën “Gibraltar Eagle”, një anije kontejnerësh në pronësi dhe operim të SHBA-së që lundronte në Gjirin e Adenit u godit me një raketë balistike, sipas Komandës Qendrore të SHBA. Nuk pati të lënduar dhe nuk pati dëme të konsiderueshme në mjetin lundrues i cili vazhdoi udhëtimin e tij.
Një zyrtar i mbrojtjes amerikane konfirmoi se një raketë balistike e gjuajtur nga zona e kontrolluar nga Houthi në Jemen kishte goditur M/V Zografia, një transportues me flamur maltez, që lundronte në Detin e Kuq jugor.
Houthi gjithashtu pretendoi në një deklaratë të lëshuar se ata kishin shënjestruar anijen “pasi ekuipazhi i anijes refuzoi thirrjet paralajmëruese, duke përfshirë mesazhe të qarta paralajmëruese./vizionplus.tv
