Ambasada e Shteteve të Bashkuara të Amerikës i ka bërë thirrje politikanëve të Kosovës të përshpejtojnë procesin e formimit të qeverisë së re, vonimi i së cilës nuk është në interesin e vendit.
“U gëzuam kur konstatuam numrin e qytetarëve që dolën në zgjedhje. Është populli i Kosovës ai që duhet zgjedhur se kush duhet ta udhëheqë shtetin”, ka thënë për “Zërin” zëdhënësja e ambasadës së SHBA-së në Kosovë, Michelle Schon.
Sipas saj, SHBA-ja shpreson që Kosova sa më parë ta formojë një qeveri e cila do të merrej me problemet akute për vendin, siç janë: zhvillimi ekonomik, integrimi evropian e stabiliteti rajonal.
Në fund Schon ka thënë se çdo vonesë në formimin e Qeverisë së vendit nuk do të ishte në interesin e qytetarëve dhe ekonomisë së Kosovës. “Vonesat e gjata në formimin e Qeverisë nuk janë në interesin më të mirë të Kosovës, ekonomisë së saj dhe popullit të saj”, ka përfunduar Schon.
