Nga nesër, të gjitha fluturimet nga vendet shengen drejt SHBA do të pezullohen për një periudhë 30 ditore. Presidenti Donald Trump bëri të qartë se ky vendim vjen në kuadër të masave të shtuara për të parandaluar përhapjen e koronavirusit.
DONALD TRUMP
PRESIDENT I SHBA
“Për të parandaluar ardhjen e rasteve të reja me koronavirus në vendin tonë, ne do të pezullojmë të gjitha udhëtimet nga Europa për një muaj. Nga këto masa të forta do të preken vetëm njerëzit dhe jo mallrat dhe nuk do të aplikohen në Mbretërinë e Bashkuar. Nëse veprojmë shpejt dhe me zgjuarsi sot, mund ta fitojmë betejën me virusin nesër. Mbrojtja e vetes dhe të tjerëve duke zbatuar rekomandimet është shumë e rëndësishme.”
Brukseli zyrtar nuk e mirëpriti vendimin e Uashingtonit duke thënë se nuk është koha e duhur për të gjunjëzuar ekonominë dhe se BE po ndërmerr të gjitha masat e nevojshme për të kontrolluar pandeminë. Por shefi i shtëpisë së bardhë akuzoi unionin se ka dështuar në marrjen e masave parandaluese efektive.
Ndërkohë në SHBA janë regjistruar 38 viktima nga koronavirusi dhe më shumë se 1300 të infektuar.
Shifrat vijojnë të rriten ndjeshëm në vendet e tjera jashtë Kinës. Në Iran numërohën 354 të vdekur dhe më shumë se 9 mijë të infektuar. Franca, Spanja dhe Gjermania janë vendet me më shumë viktima dhe të prekur në Europë, pas Italisë.
Edhe Rusia, ku janë shfaqur 28 raste deri më tani, do të anullojë fluturimet drejt Italsië, Spanjës, Francës dhe Gjermanisë duke nisur nga 13 marsi deri në fund të muajit prill.
Në total, më shumë se 4600 persona kanë vdekur nga koronavirusi, rreth 127 mijën janë të prekur dhe më shumë se 68 mijë pacientë fatmirësisht janë shëruar.
