Bombardimi i bazës ajrore siriane ka shkaktuar debate në Këshillin e Sigurimit të OKB-së, që u mblodh këtë të premte. Përplasje është shënuar mes përfaqësuesve të Rusisë dhe SHBA.
“Sulmi i paligjshëm ushtarak amerikan me raketa ka inkurajuar terroristët në Siri. Kur ju merrni një rrugë të vetëm, kjo çon në tragjedi të tmerrshme në rajon.”
Ai ka shtuar se SHBA i frikësohen një hetimi real për sulmin kimik dhe kërkoi ndalimin e menjëhershëm të agresionit. Por ambasadorja e SHBA u kundërpërgjigj.
“Shtetet e Bashkuara vepruan për t’u siguruar se presidenti Assad nuk do të përdorë më armë kimike. Rusia dhe Irani qëndrojnë pranë qeverisë siriane kur ajo kryen krime. Forcimi i Asadit do të çonte drejt të tjera vrasjeve.”
Sekretari i Përgjithshëm, Antonio Guterres bëri thirrje për vetëpërmbajtje, ndërsa ambasadori britanik, Matthew Rycroft, doli në mbrojtje të sulmeve amerikane, duke thënë se ato ishin një përgjigje ndaj akteve të rënda.
