Mbrëmja e kësaj te mërkure do te jete shansi i fundit per kandidatin republikan per president te SHBA, Donald Trump per te përmbysur rezultatet e sondazheve. Rivalja e tij demokrate Clinton kryeson me 7 pike përpara dhe multimiliarderi duhet te binde votuesit e pavendosur ne debatin e trete dhe te fundit televiziv, qe mbahet ne Las Vegas, ne Nevada. Ne qendër te debatit do te jene çështje si emigracioni, ekonomia, apo politika e jashtme. Ditët e fundit kane qene te mbushura me reagime te ashpra te Trump, qe i është dashur te mbrohet përballe akuzave te disa grave per ngacmime seksuale. Po ai ka deklaruar edhe se zgjedhjet po manipulohen dhe media po del ne mbështetje te Clinton. Përgjigjen me te forte per keto akuze ai e mori nga presidenti Obama, qe i cilësoi aludimet e Trump te paprecedentë dhe kërkoi qe te mos ankohet me. E ndërsa sipas analisteve, Trump vjen ne kete debat ne nje situate te vështire, ish-sekretarja e Shtetit Clinton, ka shqetësim vetem çështjen e përdorimit te serverit te e-maileve private, te Fondacionit Clinton dhe fjalimeve qe ka mbajtur per Wall Street. Gara ne SHBA nuk ka mbetur as jashtë vëmendjes se Rusisë. Zedhenesja e ministrisë se Jashtme ruse, Maria Zakharova është shprehur se fushata presidenciale është nje katastrofe dhe nje turp. Duke iu referuar akuzave per sulme kibernetike dhe tentative per te ndërhyre ne politiken e brendshme amerikane, ajo tha se keto çështje e kane kthyer Rusinë ne nje faktor real te retorikes parazgjedhore.
SHBA, debati final Clinton – Trump
