Një avion “Boeing 737” ka rënë në lumin “Saint Johns” në Florida. Avioni amerikan me 136 pasagjerë në bord dhe 7 pjesëtarë të ekuipazhit, bëri ulje të sigurt në aeroportin ushtarak Xheksonville, por rrëshqiti nga pista dhe përfundoi në lumë. Fatmirësisht avioni qëndroi mbi sipërfaqen e ujit dhe per pasoje asnjë nga pasagjerët nuk ka marrë lëndime serioze. Sipas autoriteteve, mbrëmjen e së premtes në Florida ka pasur reshje të shumta, çka dyshohet të jenë bërë shkak për incidentin. Megjithatë ata po punojnë për zbardhjen e ngjarjes. Aeroporti ndërkohë ka bërë të ditur se avioni ishte marrë me qira nga ministria e mbrojtjes. Ai po vinte nga baza amerikane e Guantanamos në Kubë. Shumica e pasagjerëve ishin ushtarë dhe familjarë të tyre.
