SHBA: 1000 trupa të Koresë së Veriut janë vrarë në Ukrainë javën e kaluar

Forcat e Koresë së Veriut po pësojnë viktima masive në vijën e parë të luftës midis Rusisë dhe Ukrainës, sipas zëdhënësit të Shtëpisë së Bardhë John Kirby, i cili tha se të paktën 1000 trupa janë vrarë ose plagosur javën e kaluar në rajonin e Kurskut.

Numri i dhënë nga John Kirby në konferencën për shtyp e tejkalon numrin e dhënë më parë nga zyrtarët amerikanë.

Njoftimi vjen disa orë pasi u raportua se një ushtar i Koresë së Veriut i kapur nga forcat ukrainase kishte vdekur për shkak të plagëve të tij.

“Është e qartë se liderët ushtarakë rusë dhe koreano-veriorë po i urdhërojnë ata të ndërmarrin sulme kundër mbrojtjes ukrainase”, tha Kirby.

Sipas John Kirby, presidenti amerikan në largim Joe Biden ka të ngjarë të miratojë një paketë tjetër ndihme për Ukrainën në ditët në vijim.

Më herët gjatë javës, Joe Biden dënoi sulmet e Rusisë në ditën e Krishtlindjeve ndaj sistemit energjetik të Ukrainës dhe disa prej qyteteve të saj dhe i kërkoi Departamentit të Mbrojtjes të rifillonte dërgesat e armëve në Ukrainë.

Të hënën, presidenti ukrainas Volodymyr Zelensky vlerësoi se më shumë se 3,000 ushtarë të Koresë së Veriut janë vrarë dhe plagosur në rajonin e Kurskut./vizionplus.tv