Ministri i Shtetit për Mbrojtjen e Sipërmarrjes, Eduard Shalsi, ka qenë pjesë e konferencës ndërkombëtare të Biznesit në Tbilisi, Gjeorgji.
Gjatë qëndrimit të tij në Gjeorgji, Shalsi ka firmosur me homologun e tij gjeorgjian një marrëveshje mirkuptimi, dhe bashkëpunimi rajonol për përmirësimin e punës dhe sigurisë së sipërmarrësve.
“Në konferencën “Krijimi i një mjedisi të favorshëm për zhvillimin e biznesit”, me Ombudsman të biznesit nga vende të ndryshme të botës, diskutuam mbi rëndësinë e rolit që institucionet kanë në mbrojtjen e të drejtave dhe interesave të sipërmarrjes. Shumë interesante të dëgjonim mbi përvojat e vendeve të ndryshme dhe të këmbenim ide mbi mundësitë e bashkëpunimit. Prezantova eksperiencën tonë, rëndësinë që i kemi dhënë sipërmarrjes, si dhe firmosëm bashkë me kolegun në Gjeorgji, Irakli Lekvinadze, një marrëveshje mirëkuptimi. Faleminderit Ombudasmanit të Gjeorgjisë për këtë hap të rëndësishëm të bashkëpunimit rajonal që padyshim do të na ndihmojë në përmirësimin e punës dhe sigurimin e një mbrojtje më të mirë për sipërmarrësit.”
