Sezoni turistik veror këtë vit në qarkun e Korçës pritet të shtrihet në të gjitha zonat turistike të juglindjes, për të shmangur grumbullimet e turistëve vendas dhe të huaj, por edhe si një mundësi për të njohur më mirë asetet turistike, historike e kulturore. Një gjë e tillë është bërë e ditur nga prefekti Dhori Spirollari, pas një takimi që ka pasur me operatorë turistikë dhe autoritete vendore në Pogradec.
Prefekti i qarkut të Korçës gjithashtu ka siguruar se trageti do të funksionojë në linjat Shën Naum Ohër Strugë Pogradec gjatë këtij sezoni turistik. Kjo pas një marrëveshje të arritur sipas tij edhe me palën maqedonase.
Dy javët e fundit Pogradeci dhe Korça, si dhe fshatrat turistikë të Dardhës, Voskopojës, Tushëmishtit kanë qenë të mbushura plot turistë vendas, të cilët kanë kaluar fundjavën duke shijuar resurset natyrore si dhe kulinarinë e zones.
