UEFA Champions League ka luajtur dy takimet e fundit sa i takon ndeshjeve të para të 1/8. Në përballjen e transmetuar në Vizion Plus, Sevilla dhe Mançester United janë ndarë në një barazim 0 me 0, që lë të hapur çështjen e kualifikimit për ndeshjen e kthimit me 13 mars në “Old Traford”. Spanjollet natyrisht mund të jene më të pakënaqur nga ky rezultat sepse luajtën më mirë në ndeshjen përballë tifozëve të tyre.
Skuadra e Monteles ishte me agresive dhe e saktë në qarkullimin e topit pothuajse gjatë gjithë ndeshjes por nuk arriti të jetë dot konkrete patra portës së De Geas. Gardiani i ekipit anglez ishte shpëtimtar në disa raste të Muriel, Correas dhe sidomos dy momente ne fund të pjesës së parë kur Nzonzi dhe Muriel provuan me koke por portieri spanjoll i Mançester United ishte fantastik ne reflekset e tij. Pamja e lojës ishte pak e shumë e tille edhe ne pjesën e dytë, me Sevillen vazhdimisht në kërkim të golit dhe Man. United që qëndroi prapa me shpresën se mund të shfrytëzonte hapësirat ne kundërsulm. Edhe në këtë pjesë rastet më të mira i takuan andaluzeve pavarësisht se nuk shënuan dot ndërsa anglezet ishin kërcënues në fund vetëm me anë të Rashford.
Në takimin tjetër të luajtur ne Ukraine që u transmetua në Tring, Shakhtar Donjetz përmbysi Romen duke fituar 2 me 1 ndeshjen e parë që i jep shpresa për tu kualifikuar për në çerekfinale. Italianet shënuan të parët në minutën 41 me anë të talentit Turk, Cengis Under. Por pjesa e dytë solli përmbysjen e madhe nga skuadra vendase. Fillimisht ishte Facundo Ferreira që barazoi shifrat në minutën e 52. Më pas në të 71 , braziliani Fred çon ne ekstazë tifozët e Shakhtar duke realizuar golin e avantazhit. Kualifikimi gjithsesi do të vendoset ne Romë pas 3 javësh.
