Sevillja rrëmbeu trofeun e trete radhazi te Uefa Europa League dhe te pestin ne historinë e saj. Ne finalen e Bazelit, andaluzit munden me përmbysje Liverpulin 3-1 dhe tashme pavarësisht renditjes ne kampionat, arritën te sigurojnë nje vend ne Champions League sezonin e ardhshëm, si fituese e kupës se vogël te Europes. Me mjaft inteligjence, pak fat dhe shume kualitetet skuadra e Unai Emery arriti te kthente një ndeshje qe ne pjesen e pare dukej se do te përfundonte ne favor te kundërshtarit. Te kuqte e Jurgen Klop e filluan mjaft mire takimin, ndërsa ne minutën e 12 gjyqtari nuk u dha nje penallti pas një topi te prekur me dore nga Carrico. Ne minutën e 34 Sturridge surprizoi portierin Soria, ndërsa 6 minuta me vone anglezet protestuan përsëri per nje top te prekur me dore brenda zonës kete here nga Krishoviak. Me fillimin e pjesës se dyte ndryshoi gjithçka ne favor te Sevilljes qe gjeti golin e barazimit me Kevin Gamiero pas vetëm 22 sekonda loje. Te jashtëzakonshëm ne mesfushe dhe fazën ofensive spanjollet arritën te përmbysin gjithçka ne minutën e 64 ne nje aksion fantastik te nisur nga Vitolo dhe te përfunduar nga Coke. Vetëm 6 minuta me vone kapiteni i andaluzeve mbylli nje mbrëmje ëndrrash per kete, duke realizuar dopieten e tij personale dhe golin e trete per skuadrën e tij. Për tekniku gjerman Jurgen Klop vazhdon mallkimi me finalen e peste qe humbet ne karriere, ndërkohe Sevilla ashtu si nje vit me pare behet skuadra e peste spanjolle qe do te marri pjese ne Uefa Champions League pas Barcelonës, Real, Atletiko dhe Villareal.
