Edhe sot, për te treten dite, pika kufitare e Kapshticës është bllokuar nga ora 11.00 deri ne orën 13.00. Shkak është bërë protesta e fermerëve greke, te cilët në anën tjetër të kufirit kanë bllokuar akset rrugore me automjetet e tyre. Për 2 orë, shtetasit shqiptarë, kanë qenë të detyruar të presin në radhe të gjata, deri ne rifillimin e punës nga pala greke. Kjo është dita e fundit e protestës se fermerëve ne shtetin fqinj, dhe nga e mërkura kalimi nëpërmjet kësaj pike kufitare do bëhet normalisht.
