Presidenti i SHBA, Donald Trump është shprehur nëpërmjet Twitter-it se pret të takojë sërish liderin e Koresë së Veriut Kim Jon-un. Shefi i Shtëpisë se Bardhe gjithashtu e falënderoi atë për dorëzimin e eshtrave te 55 ushtarakëve amerikanë, të cilët ranë në Luftën e Koresë në vitet 1950-53 dhe u riatdhesuan zyrtarisht në një ceremoni të mërkurën në një bazë ushtarake.
“Faleminderit Lideri Kim Jong-un që mbajte fjalën dhe nise procedurën e dërgimit në atdhe të eshtrave të të rënëve tanë të dashur. Nuk jam aspak i habitur që ndërmore këtë veprim të mire. Gjithashtu, të falenderoj për letrën tënde të bukur, Unë pres që të shoh përsëri së shpejti në.”
Kthimi i eshtrave te ushtareve amerikane është hapi i parë i Phenianit drejt zbatimit të marrëveshjes së arritur në samitin e rëndësishëm të qershorit në Singapor.
Premtimi për kthimin e eshtrave u cilësua si një gjest i vullnetit të mirë nga Kim Jong Un në qershor. Ky veprim i Koresë se Veriut rikthen shpresat për përparim në bisedimet bërthamore. Heqja dore nga prodhimi i raketave balistike është edhe zotimi me i madh i vendit komunist. Analistet e sigurisë janë ende dyshues nëse nje hap i tille do te ndodhe vërtet, ndërsa mediat ne Shtetet e Bashkuara kane ngritur dyshime te forta se program bërthamor po vazhdon me te njëjtin intensitet.
