Një Inter me dy fytyra. Zikaltërit e Milanos ja dolën të mundin Fiorentinën me rezultatin 3-1 në ndeshjen e vlefshme për javën e 5 të kampionatit italian.
Një sfidë emocionuese e transmetuar ekskluzivisht në platformën Tring erdhi me dy tablo për Interin. Pjesa e parë ishte për tu harruar sa më shpejt nga kampionët e Italisë që panë vetën disa herë në rrezik ndërsa heroi i tyre ishte padyshim guardian Handanovic.
Megjithatë pas shumë tentativash , vendasit zhbllokuan rezultatin me Sotill. Në pjesën e dytë u pa një Inter tërësisht ndryshe, më agresiv dhe më i rrezikshëm para portës . Një aksion i bukur i barelës dhe Matteo Darmian u finalizua nga ky i fundit dhe në fushë u vu sërish baraspesha.
Një gol që i dha zemër skuadrës së Inzaghit e cila dy minuta më vonë shënoi dhe golin e përmbysjes me Edin Xheko.
Shpresat u shuan dhe më shumë për Fiorentinën kur Gonzales la skuadran me 10 lojtarë për shkak të protestave duke u ndëshkuar me dy kartona të verdhë njëri pas tjetrit . Pak para fundit, ishte Perisic që më golin e tij i dha goditjen finale vendasve dhe mbylli gjithçka me shifrat 3-1.
Me kete fitore, Inter mban perkohesisht e vetme vendin e pare me 13 pike, por Milan dhe Napoli kane shansin ta kapin ose te parakalojne.
