Prove force per Romen qe mundi Inter ne javën e 26 te Kampionatit Italian, duke ngushtuar diferencën me 7 pike nga vendi i pare Juventus.
Ne San Siro me mjaft autoritet dhe force skuadra e Spaletit, duke fituar me rezultatin 3-1 duke i bllokuar rrugën per momentin zikalterve për ne Champions League sezonin e ardhshëm.
Njeriu i mbrëmjes per miqtë Naingolan, autor i dy golave te mrekullueshëm. Icardi 9 minuta nga fundi ngushtoi diferencën e golave, ndërsa Peroni nga pika e bardhe e penalltisë humbi shpresat e te zotëve te shtëpisë, per te rrëmbyer qofte edhe nje pike përpara tifozëve te tyre.
Fitore me përmbysje per Realin e Madridit ne javën e 24 te kampionatit spanjoll. Ne El Madrigal skuadra e Zinedin Zidan fitoi 3-2 ndaj Vijareal 7 minuta nga fundi, duke mbajtur vendin e pare 1 pike larg Barcelones, ndërsa ka edhe nje ndeshje me shume per te zhvilluar.
Pas nje pjese te pare pa gola, e ashtuquajtura nëndetësja e verdhe surprizoi jo pak duke gjetur dy here rrjetën ne harkun kohor te 6 minutave me Trigueros dhe Bakambu. Gareth Bale ne minutën e 64 futi ne loje madrilene përpara se Kristiano Ronaldo nga pika e bardhe e penalltisë 10 minuta me vone te kthente gjithçka ne baraspeshe.
Njeriu qe ktheu skuadrën e tij nga ferri ne parajse ishte Morata, i futur si zëvendësues qe ne minutën e 87 i dha fitoren mes drithërimash Realit te Madridit.
Paris Sg rrëmbeu vendin e dyte ne klasifikimin e përgjithshëm, teksa shpartalloi ne Velodrom ne nje prove force 5-1 Marsejën ne te ashtuquajturën klasiken e javës se 27 ne France. Një ndeshje e zgjidhur qe ne minutën e 6 nga kampionet e Francës pas rrjetës se brazilianit Markinjos.
Edinson Cavani e beri gjithçka te me te lehte per parisienët, duke shënuar golin e dyte ne minutën e 16-te. Furia e miqve nuk do te ndalej as në pjesën e dyte, duke gjetur me lehtësi portën fale Lucas Leiva dhe gjermanit Draxler.
Fani shënoi golin e vetëm per vendasit përpara se Matuidi te siglonte rezultatin përfundimtar 5-1. Pas kësaj fitoreje, Paris Sg ndan vendin e dyte me Nise me pike te barabarta 59, tre me pak se liderët e Monako.
