Pas vizitës së zyrtarëve nga SHBA dhe BE në Beograd, presidenti Aleksandër Vuçiç tha se Serbia është e gatshme të shqyrtojë propozimin europian për normalizimin e marrëdhënieve me Kosovën.
Kreu i shtetit serb tha se një konflikt i ngrirë nuk i intereson askujt.
PRESIDENTI I SERBISË
ALEKSANDËR VUÇIÇ
Ishte një diskutim i hapur dhe serioz. Ajo për të cilën biem dakord është se një konflikt i ngrirë nuk është zgjidhje dhe se kur keni një konflikt të ngrirë, është vetëm çështje kohe kur dikush do ta shkrijë dhe të rrëzojnë paqen dhe stabilitetin në të gjithë Ballkanin Perëndimor.
Presidenti Vuçiç shtoi se formimi i asociacionit është kusht që duhet zbatuar sepse është nënshkruar që para 10 vjetësh.
PRESIDENTI I SERBISË
ALEKSANDËR VUÇIÇ
Në ato kushte, kërkuam nga diplomatët që të formohet Unioni i Komunave Serbe, i cili jo vetëm është premtuar, por edhe është nënshkruar 10 vjet më parë dhe është urgjente, sepse vetëm pas kësaj mund të bisedohet dhe të kthehet në institucione dhe çfarë normalizimi të situatë.
Vuçiç hoqi përgjegjësinë nga vetja duke thënë se bëri maksimumin për të mbrojtur Serbinë.
PRESIDENTI I SERBISË
ALEKSANDËR VUÇIÇ
Njerëzit duhet ta dinë se këtu nuk ka as bisedime të bukura dhe as të ëmbla dhe e vetmja gjë që mund të them është se unë me të vërtetë kam bërë më të mirën për ta ruajtur dhe mbrojtur Serbinë, gjë që do të vazhdoj ta bëj për të paktën një kohë.
Presidenti serb theksoi se në ditët dhe javët në vijim do të zhvillojë konsultime me anëtarët e qeverisë dhe Kuvendit si dhe me të gjitha grupet e rëndësishme shoqërore sa i përket përmbajtjes së propozimit franko-gjerman.
