“Kosova nuk është një shtet, por territor nën administrimin e përkohshëm të OKB-së, në përputhje me rezolutën 1244”, ka deklaruar ministri serb i mbrojtjes Aleksandar Vulin. Reagimi i tij erdhi si një përgjigje ndaj homologut të tij malazez, Predrag Boshkovic, pasi Mali i Zi ka dërguar dy oficerë në misionin e KFOR-it në Kosovë.
Më herët ministri i mbrojtjes i Malit të Zi Boskoviç është shprehur se ka dërguar oficerë malazeze në misionin e KFOR-it, sepse Kosova është shtet i pavarur dhe se vendimi është marrë për të kontribuar në sigurinë rajonale. Kjo, sipas tij – nuk do të thotë që Mali i Zi po tradhton Serbinë.
