Presidenti i Serbisë, Aleksandër Vuçiç, ka inspektuar pranimin e helikopterëve të rinj të forcave serbe, përfshirë edhe katër helikopterë rusë Mi-35.

 

Vuçiç ka falenderuar Rusinë për mbështetjen ndërsa lavdëroi helikopterët Mi-35 që sipas tij “nuk kanë asnjë rival në botë”. Sjellja e helikopterëve rus në beograd ka shqetësuar shumë vendet në perëndim dhe në vendet fqinje të rajonit që ende po ripërtërihet nga luftërat e përgjakshme të viteve të 90-ta.

 

Serbia ka siguruar vitet e fundut nga Rusia avionë luftarakë MiG-29 si dhe helikopterë, tanke dhe transportues të blinduar. Ajo aspiron anëtarësimin në Bashkimin Evropian, por ruan lidhjet e ngushta me Rusinë dhe ka refuzuar t’u bashkohet sanksioneve ndërkombëtare kundër saj për shkak të konfliktit në Ukrainë.

 

Ajo është zotuar se do të qëndrojë jashtë NATO-s, një synim ky i Rusisë e cila nuk e sheh me sy të mirë zgjerimin e aleancës ushtarake perëndimore në Ballkan.

Leave a Reply

Your email address will not be published. Required fields are marked *