Në cilësinë e vendit kryesues, Sllovenia mirëpriti dje dhe sot “Samitin e Procesit të Bashkëpunimit të Evropës Juglindore”, ku temat kryesore ishin prioritetet e presidencës sllovene që kanë të bëjnë me zgjerimin e Bashkimit Evropian.
Zëvendëskryeministrja Senida Mesi, në fjalën e saj nënvizoi se Shqipëria është maksimalisht e angazhuar në bashkëpunimin rajonal si një instrument thelbësor në integrimin e mëtejshëm në bashkimin evropian.
Ajo shtoi se integrimi i Ballkanit Perëndimor në BE përforcon lidhjet brenda rajonit, dhe në raport me BE-në ofron një perspektivë të qartë për të ardhmen.
