Ish-zv/kryeministrja Senida Mesi ka lënë të hapur mundësinë se në zgjedhjet vendore mund të kandidojë për postin e kryetares së Bashkisë së Shkodrës.

 

Mesi gjatë inspektimit të punimeve për projektin ADISA, deklaroi për mediat se do të ndihej e vlerësuar dhe e respektuar nëse do të ishte një kandidate potenciale për këtë bashki.

 

Ajo tha se një gjë të tillë nuk e ka kërkuar vetëm PS por edhe vetë qytetarët e Shkodrës.

 

“Çdo individ, përfshirë edhe mua do të isha shumë e vlerësuar dhe e respektuar. Sepse jo vetëm PS, por edhe qytetarët e Shkodrës do të doni që unë të isha një kandidaturë. Por le ti lemë kohën proceseve të brendshme, me qëllim që të dali një kandidaturë që jo vetëm ka votëbesimin e PS, por të kishte edhe besimin e qytetarëve të Shkodrës.”

 

Mesi pohoi ndër të tjera se tashmë ka ardhur koha që Shkodra në zgjedhjet lokale të bëj rotacion.

 

Por krahas Mesit, kryeminsitri Rama gjatë një takimi që zhvilloi në Lezhë la të hapur mundësinë se për këtë Bashki mund të kandidojë deputeti Pjerin Ndreu.

Leave a Reply

Your email address will not be published. Required fields are marked *