Partia Demokratike ka nisur fazen e dyte te seleksionimit te kandidateve per zgjedhjet parlamentare e ato lokale. Gjate ketij procesi 5 anetaret e komisionit per vleresimin e kandidaturave do shqyrtoje secilin prej 946 kandidateve per te nxjerre listen finale me rreth 300 emra .
Sipas anetares se komisionit Enriketa Papa, kriteret mbi te cilat do te behet seleksionimi jane te shumta, duke nisur nga rezultatet qe kane marre ne zonat e tyre ne zgjedhjet e kaluara deri tek angazhimi politik gjate viteve te fundit.
ENRIKETA PAPA
ANETARE E KOMISIONIT PER VLERESIMIN E KANDIDATURAVE
“Kriteret qe do merren per baze jane disa kritere, qofte formale apo te detajuara, ai formulari i famshem eshte nje prej kritereve kryesore, por edhe informacione te tjera qe anetaret e komisionit i quajne te domosdoshme per te pyetur qofte vete kandidaturat emer per emer apo edhe strukturat e PD.”
Nder 946 emrat qe komisioni ka miratuar si kandidate te mundshem per zgjedhje; emri i Jozefina Topallit eshte me i njohuri, jo thjesht per historine e saj te gjate ne partine demokratike, por edhe per faktin se ajo eshte e vetmja kritike e Lulzim Bashes qe ka hyre ne listat e kandidateve per deputet. Sipas anetares se komisionit Enriketa Papa, Topalli e cila ka qene deputete deri ne shtatorin e vitit 2017, nuk ka nevoje te plotesoje formularin si kusht per vazhdimin e procesit per kandidimin ne zgjedhjet e ardhshme.
“Nuk e di se cfare ka marre ne posten elektronike apo ne njoftimin me telefon zonja topalli por ne dijenine time eshte fakti qe te gjithe perfaqesuesit politike te pd ne 10 vitet e fundit nuk eshte se jane te detyruar, jane te perjashtuar nga ky formular 30 faqesh por eshte mjaftuar me ata formulare qe ata tashme per pastertine e figures apo formulari I deklarimit te pasurive.”
Vete Jozefina Topalli e ka qartesuar pozicionin e saj, duke falenderuar demokratet qe e kane propozuar, ajo ka theksuar se nuk ploteson asnje formular pasi nuk beson se partia demokratizohet me komisione e formulare.
Edhe pse komisioni ka marre ne shqyrtim 3 600 emra si kandidate te mundshem per deputet; bie ne sy se pervec Jozefina Topallit asnje prej figurave te PD kritike ndaj kryetarit Basha nuk figuron mes kandidateve per deputet.
Shumica e politikaneve qe u lane jashte listave nga Lulzim Basha ne 2017 serish mungojne mes emrave te propozuar nga anetaresia apo te seleksionuar nga komisioni i posaçëm.
