Selanik vijojnë protestat ndaj marrëveshjes

Protesta të reja priten të ndodhin në Selanik kundër Marrëveshjes me Maqedoninë dhe për “karakterin grek të Maqedonisë”.

Në kundërshtim të kësaj marrëveshje janë parashikuar dy protesta, të cilat janë organizuar pas thirrjes në rrjetet sociale.

Sipas mediave greke njëra protestë është caktuar para Ministrisë për Maqedoninë dhe Thrakinë në Selanik, ndërsa tjetra do të ketë karakter të protestës me motorë.

Gjithashtu mediat raportojnë se paralelisht, tubim antifashist dhe antinacionalist është caktuar dhe nga organizata anarkiste në Selanik, të cilët ftojnë popullin që t’u bashkëngjiten bllokimeve kundër nacionalizmit dhe fashizmit.