Prokuroria e Vlorës, ka vendosur sekuestron për 6100 metër katror truall, 24 apartamente si dhe 32 përqind të sipërfaqes se një pallati tjetër në qendër të qytetit. Sipas akuzës, ekzistojnë dyshime se kjo pasuri është krijuar në bazë të dokumenteve të falsifikuara. Hetimi ndaj pronarit të kësaj pasurie, nisi pas denoncimit të bërë nga dy shtetas. Sipas Prokurorisë, ka të dhëna që faktojnë se trualli dhe banesat janë përfituar përmes dokumenteve false për një sipërfaqe trualli prej rreth 10.000 metër katror, mbi të cilën janë ndërtuar pallatet.
