Prokuroria e Krimeve te Rënda, në bazë të ligjit antimafia ka vendosur sekuestron e rreth 200 milion lekëve pasuri toke truall ndaj Dashamir Gjokës. Ky i fundit me origjinë nga qyteti i Durrësit ishte dënuar nga Gjykata e Apelit në Milano, në datën 2 nëntor të vitit 2007 me 10 vite e 6 muaj burg. Gjoka akuzohet për vepra penale “Shfrytëzimi i prostitucionit”.
Gjatë procesit gjyqësor rezultoi se pasuritë në zotërim Dashamir Gjoka nuk i përgjigjen dukshëm nivelit të të ardhurave, fitimeve apo veprimtarive të ligjshme të deklaruara prej tij. Prokuroria thekson se i denuari nuk arriti që të provojë dhe të justifikojë burimin e ligjshëm të pasurive në zotërim të tij.