Sekuestrohen pasuri të mëdha të Admir Hoxhës, i akuzuar për laboratorin e heroinës në Has

Gjykata e krimeve të rënda me kërkesë të prokurorisë ka vendosur sekuestro preventive për pasuritë e paluajtshme të Admir Hoxhës.

Ai është nën hetim për “prodhimi dhe shitje te lendeve narkotikëve” dhe “grup te strukturuar kriminal”.

Pasuritë e sekuestruara janë “ resort Ador” në rrugën e Rinasit me sipërfaqe 3320 m2, si dhe një automjet tip audi.

Admir Hoxha është në kërkim, pasi nga hetimet e prokurorisë rezulton të jetë personi që ka ngritur laboratorin e heroinës në has, i sekuestruar 3 muaj më parë.

Ndërkohë në nëntor të vitit 2016-te, prokuroria e Kavajës kishte nisur hetimet ndaj tij dhe disa personave të tjerë, nga ku rezultoi se kryenin trafik droge drejt Italisë.