Një 50 vjeçar është shpallur në kërkim nga policia pasi gjatë kontrollit të ushtruar në banesën e këtij të fundit iu gjetë një arsenal armësh.
Shtetasi I shpallur në kërkim është me inicialet G.S.
Policia në vijim të krehjes së zonës për gjetjen dhe arrestimin e personave që qëlluan me armë zjarri në ajër në afërsi të fshatit Luarëz të Njësisë Administrative Velipojë, ndërmorri operacionin e koduar “Luarëz”.
Gjatë operacionit Policia ka ushtruar kontrolle në disa banesa, ku gjatë kontrolleve ka marrë informacion për një arsenal armësh që mund të ishin të fshehura në banesë në pronësi të shtetasit G.S., në të cilën nuk banonte njeri.
FNSH-ja dhe Policia e Shkodrës pas marrjes së masave për rrezikshmërinë që mund të kishte ky kontroll, pasi dyshohej se aty mund të ishin fshehur autorët, ka ushtruar kontroll në banesën e shtetasit G.S, ku ka gjetur dhe sekuestruar një armë ushtarake të rëndë Granat-hedhës (blind shpues), silenciator, radio policie, rreth 700 fishekë luftarakë, krëhëra me fishekë kallashnikovi, dy telefona dhe një targë motoçiklete.
50 vjeçari akuzohet për veprën penale të “Prodhimi dhe mbajtja pa leje e armëve luftarake dhe e municionit”.
Grupi Hetimor ka fiksuar prova të vlefshme në këtë banesë që do t’i shërbejnë hetimit edhe për ngjarje të ndodhura më pare ndërkohë që vijon operacioni dhe krehja e zonës për kapjen e autorëve.
