Dy persona u arrestuan pasditen e të premtes dhe dy të tjerë janë nën hetim, teksa u sekuestruan 59 kg kanabis sativa në periferi të kryeqytetit. Në pranga përfunduan dy vëllezërit Haxhi Qefalia, 36 vjeç dhe Vullnet Qefalia, 31 vjeç, banues në fshatin Priskë e vogël të njësisë administrative Zallherr. Arrestimi i tyre erdhi pasi policia mori njoftimin se Haxhi Qefalia ishte duke futur një sasi lënde narkotike në një banesë. Gjatë kontrollit të banesës të marrë me qira nga Haxhi Qefalia, u konstatua lënde narkotike kanabis sativa, ku pas peshimit rezultoi me një peshë prej 55.3 kg. Në të njëjtën kohë, u kap në flagrancë në tentativë për t’u larguar Vullnet Qefalia, të cilit iu sekuestruan në cilësinë e provës materiale edhe 3.7 kg të tjera.
Sekuestrohen 59 kg kanabis në Tiranë
