Ky eshte momenti i zbulimit te 20 mije uniformave ushtarake, qe dyshohet se do te përdoreshin nga luftëtaret e Shtetit Islamik dhe frontit Al Nusra. Ato jane sekuestruar nga policia spanjolle gjate kontrolleve rutine ne dy porte ne qytetet Valencia dhe Algecira dhe ishin fshehur mes veshjeve te përdorura ne tre kontejnerë.
Por autoritetet vendase jo vetëm qe e dhane lajmin thuajse nje muaj pas sekuestrimit, nuk bene te ditur se ku ishin prodhuar dhe nga vinin keto uniforma. Pervec shqetësimit se me to mund te vishej nje ushtri e tere xhihadistesh, ministria e Rendit eshte treguar e rezervuar per detaje te tjera. Operacioni eshte zhvilluar ne daten 7 shkurt, kohe kur u arrestuan shtate persona per mbështetje logjistike dhe financiare ndaj ISIS, pasi u zbuluan edhe arme e materiale per prodhimin e bombave. Dyshohet se te arrestuarit mund te kene pasur lidhje me ngarkesën. Pese prej tyre ishin spanjolle me origjine siriane, jordaneze dhe marokene, ndersa dy shtetas sirian dhe maroken. Nje pjese e madhe e luftëtareve te ISIS vijne nga Afrika Veriove, veçanërisht nga vende si Tunizia dhe Maroku.
