Jalldiz Kastrati dhe Rabije Cenalia jaën dy avokatët që janë caktuar nga shteti për seancën e ish kryeministrit Sali Berisha.
Seanca për Berishën do të mbahet në orën 10:00, ndërsa avokatët kanë mbërritur në ambientet e gjykatës.
Pas bojkotit të seancës nga dy avokatët e Berishës Genc Gjokutaj dhe Sokol Mëngjesi, GJKKO zgjodhi si avokat kryesisht Artan Simonin. Ky i fundit u largua pak pas caktimit të tij, për shkak të një statusi në rrjetin social, që u pretendua se i referohej Berishës.
Ish kryeministri është nën akuzë pë korrupsion për privatizimin e kompleksit “Partizani”. Për këtë është lënë në burg dhëndri i Berishës, Jamarbër Malltezi dhe detyrim paraqitje ndërtuesi Fatmir Bektashi.