Sarandë, krim i rëndë në familje

Një krim në familje u regjistrua pak pas mesnate në Sarandë. Ngjarja ndodhi në lagjen nr. 6 të qytetit, pas ndërrimit të viteve. Mësohet se Afrim Uzo qëlloi për vdekje me armë zjarri bashkëshorten dhe më pas edhe veten. Sipas policisë së Sarandës, Lina Uzo, 50 vjeç, e kishte denoncuar edhe më parë dhunën e të shoqit. Ndaj saj, Gjykata kishte lëshuar një urdhër mbrojtjeje. Në momentin e krimit në  banesë ka qenë prezentë edhe vajza e tyre, e cila është dërguar në spitalin e Sarandës, pasi ndodhet në gjendje depresioni.