Shqipëria rreshtohet krah Shteteve të Bashkuara të Amerikës për sanksionet ndaj Rusisë. Qëndrimin zyrtar e njoftoi ministrja e Jashtme, Olta Xhaçka në “Twitter”. Duke i gjykuar masat si të drejta, Xhaçka shtoi se Rusia duhet të mbajë përgjegjësi për veprimet e saj.

 

“Shqipëria mbështet plotësisht masat e SHBA në përgjigje të veprimeve të Rusisë kundër SHBA dhe aleatëve tanë. Ne qëndrojmë pranë SHBA-së dhe gjykojmë se këto masa janë proporcionale dhe të drejta. Rusia duhet të mbajë përgjegjësi për veprimet e saj që shkojnë kundër sistemit të bazuar në rregulla dhe kërcënojnë sigurinë tonë.”

 

Shtëpia e Bardhë njoftoi dëbimin e 10 diplomatëve rusë nga Shtetet e Bashkuara si dhe vendosjen  e sanksioneve lidhur me pretendimet për ndërhyrje në zgjedhje dhe veprimtari të dëmshme kibernetike.

 

Masat e reja kundër Kremlinit përfshijnë sanksione ndaj gjashtë kompanive ruse që mbështesin veprimtaritë kibernetike, si dhe ndaj 32 individëve ose organizatave që akuzohen se janë përpjekur të ndikojnë ne rezultatin e zgjedhjeve presidenciale të vitit të kaluar.

Leave a Reply

Your email address will not be published. Required fields are marked *