Akuzat e opozitës se në Shqipëri shënohen çdo ditë ngjarje kriminale, janë mohuar nga ministri i Brendshëm, Sandër Lleshaj.
Në seancën parlamentare, Lleshaj pohoi se vendi po përballet me numrin më të vogël të vrasjeve në të gjithë historinë e vet. Ai shtoi se ka vende në BE që kanë numrin e vrasjeve “2 herë më të larta ne raport me Shqiperine.”
”Nuk ka vrasje përditë. Kemi numrin më të vogël të vrasjeve në historinë tonë. Kemi më pak vrasje sot se para 5 vitesh. Me të gjithë respektin. Vrasje nuk ka përditë në Shqipëri dhe jemi në nivelet minimale për numrin e vrasjeve dhe jemi në nivelet e krahasueshme të vrasjeve për 100 mijë banorë edhe me vende të BE. KA vende të BE që kanë numrin e vrasjeve 2-fish apo 3- fish më të lartë. Sa kohë të ketë liri do të ketë krim. Kemi tregues pozitivë, ju sfidoj me shifrat. Thoni këtu jeni jashtë asaj që thoni, nuk më mungon kuraja për ta pranuar pasi jo të gjithë që them mund të jenë të sakta.”
Ndër të tjera, Lleshaj tha se akti normativ “Anti KÇK” u krijua në kushte emergjence, pasi me zbatimin e reformës në drejtësi, sipas tij, shumë gjyqtarë identifikuan se shanset për të kaluar vettingun ishin të ulëta.
