Shqipëria është në frontin e bashkëpunimit mes vendeve të rajonit e më gjerë për t’u përballur me krizën e refugjatëve. Deklarata është bërë nga ministri i brendshëm Saimir Tahiri ne samitin dy ditor të ministrave të Brendshëm e të Jashtëm që mbahet në Selanik të Greqisë. Në këto bisedime është diskutuar edhe për thellimin e bashkëpunimit sa i takon shkëmbimit të informacioneve për t’u përballur me terrorizmin. Krahas ministrit Tahiri, Shqipëria përfaqësohet ne samit edhe nga numri një i diplomacisë Bushati. Pjesëmarrës në këtë samit janë edhe zyrtarë nga Maqedonia e Bullgaria dhe ata të Komisionit Europian.
