NATO dhe BE nënshkruajnë marrëveshje

Per t’iu përgjigjur kërcënimit qe vjen nga Rusia, NATO dhe BE nënshkruan ne Varshave nje marrëveshje bashkëpunimi. Marrëveshjen e firmosen shefi i aleancës se Atlantikut Verior, Jens Stoltenberg, kreu i Komisionit Europian, Jean Claude Juncker dhe presidenti i Keshillit Europian, Donald Tusk. Pakti parashikon përshpejtimin e bashkëpunimit përballe kërcënimeve hibride, detare, te sigurisë kibernetike dhe per zhvillimin e stërvitjeve te përbashkëta. Per nënshkruesit e deklaratës, ka ardhur momenti qe t’i jepet nje shtyse Partneritetit Strategjik mes tyre. Deklarata thekson se Komuniteti Euroatlantik perballet me sfida te paprecedenta qe vijnë nga jugu dhe lindja dhe se qytetaret e tij kërkojnë qe te përdoren te gjitha mënyrat e mjetet per te adresuar këto sfida dhe per te rritur sigurinë. Marrëveshja parashikon edhe shkëmbimin e te dhënave te sigurisë, per te luftuar terrorizmin dhe kërcënimet kibernetike. Në samitin e Varshavës 28 vendet anëtare te NATO-s do të miratojnë formalisht zbarkimin e katër batalioneve me 3-4 mijë trupa në shtetet Baltike dhe Poloninë Lindore. SHBA do te dërgojnë 1 mije trupa shtese ne Poloni. Kjo prani ushtarake vjen si një përgjigje ndaj Moskës zyrtare, e cila vazhdimisht tenton të destabilizojë shtetet në kufi të saj, ndonëse një qëllim i tillë është mohuar nga Kremlini.