Ministrat e jashtëm të vendeve të Ballkanit Perëndimor, do të mblidhen më 30 dhe 31 mars, në qytetin e Durrësit, për të diskutuar mbi përgatitjet për samitin e Parisit në korrik të këtij viti. Në samit do të marrë pjesë komisioneri për zgjerim Johannes Hahn, si dhe zyrtarë të lartë të vendeve të Bashkimit Europian. Ky ministerial do të jetë një mundësi për pjesëmarrësit për të vlerësuar dhe thelluar më tej punën e bërë, lidhur me përgatitjen e projekteve rajonale të ndërlidhjes në fushën e transportit dhe energjisë, në kuadër të përgatitjeve për samitin për Ballkanin Perëndimor, që do të mbahet në Paris në muajin korrik të këtij viti.
