Samiti i G20 në Kinë

Per te përshpejtuar rritjen ekonomike liderët botërore duhet te shmangin bisedimet boshe. Ky është apeli qe presidenti kinez Xi Jinping u përcolli liderëve te 20 fuqive te mëdha te botes ne samitin e përvitshëm ekonomik qe mbahet per here te pare ne vendin aziatik. Sipas tij, sfidat kryesore mbeten ne fushat e financës dhe tregtisë. Bisedimet ne samitin dyditor ne Hangzhou jane përqendruar edhe tek dalja e Britanisë nga BE. Presidenti amerikan Obama deklaroi se SHBA ka si prioritet bisedimet e tregtisë me unionin, përpara atyre me Britaninë, qe prezantohet me kryeministren e re, Tereza May. Ai i vlerësoi si mjaft produktive bisedimet me homologun kinez. Ndërsa kancelarja gjermane Angela Merkel u shpreh se liderët e G20 kane rende dakord te bashkëpunojnë per rritjen ekonomike. Përpara nisjes se samitit, FMN paralajmëroi se do te ule parashikimin per rritjen ekonomike globale serish gjate ketij viti, ndërsa te njëjtën gje kishte bere pas referendumit per Brexit, kur GDP ne rang botëror do te rritet me 3,1 perqind ne 2016 dhe 3,4 perqind ne 2017.