Kryeministri Edi Rama po merr pjesë në samitin e Bashkimit Europian me gjashtë vendet e Ballkanit Perëndimor në Sofje, ku do të diskutohet për të ardhmen europiane dhe anëtarësimin e Shqipërisë e gjithë rajonit ne union.
Në takim janë të pranishëm zyrtarë të lartë të BE-së, presidenti i Këshillit Evropian Donald Tusk, ai i Komisionit Europian Jean Calude Junker, kancelarja gjermane Angela Merkel, presidenti Francez Emanuel Macron etj si dhe kryeministrat e Shqipërisë, Kosovës, Maqedonisë, Serbisë, Mali të Zi dhe Bosnjës.
Samiti i Sofjes po zhvillohet në kuadër të procesit të integrimit në BE të Ballkanit Perëndimor, dhe vjen në një moment vendimtar për Shqipërinë dhe Maqedoninë pasi të dyja vendet kanë marrë rekomandimin pozitiv nga Komisioni Europian për hapjen e Negociatave.
Pala shqiptarë sot ka një tjetër mundësi për të lobuar për një votë pro, pasi Gjermania, Franca dhe Holanda janë tre vendet skeptike që duhet të binden deri në fund të qershorit.
Të pranishmit në këtë samit diskutojnë në një seancë ku çështjet kryesore janë riafirmimi për angazhimin e BE ndaj partnerëve të Ballkanit Perëndimore, si dhe trajtimi i sfidave të përbashkëta si siguria, migracioni, zhvillimet gjeopolitike dhe marrëdhëniet e mira fqinjësore.
Presidenti i Këshillit Evropian Donald Tusk u shpreh se takimi i së enjtes është një mundësi për të ritheksuar se e ardhmja evropiane mbetet zgjidhja kryesore per Ballkanin.
Ndërkohë në fund të samitit pritet të miratohet edhe një deklaratë e përbashkët për sigurinë, luftën kundër radikalizmit dhe për emigracionin.
