Ish-deputeti I PD, Ervin Salianji ka akuzuar kryeministrin Edi Rama se po vijon të bëj show me tragjedinë e tërmetit.
Në një postim në Facebook, Salianji shkruan se në Durrës drama e familjeve vazhdon ndërsa qeveria po e mneaxhon situatën sipas tij, vetëm në media.
Sipas Salianjit, familjet nuk kanë marrë as para as garanci deri më tani nga qeveria pavarëisht dramës së hequr.
“Rama po shfrytëzon tragjedinë e tërmetit për show mediatik, qytetarët të braktisur totalisht dhe me asnjë ndihmë nga qeveria. Sot nuk kanë as sigurinë që një ditë do të shpërblehen! Menaxhimi i krizës bëhet vetëm në media, në terren gjendja është katastrofike! Në Durrës drama e familjeve vazhdon, kanë humbur pronën dhe jetojnë jashtë banesave të tyre, tani po humbin edhe shpresën! Prej ditësh grupet e kontrollit që vijnë rrotull nuk bëjnë asnje konstatim për dëmet! Familjet nuk kanë marrë as para dhe as garanci për dramën e tyre ndërkohë që presin çdo ditë poshtë shtëpive me syte nga Zoti se dikush do ju lehtësojë traumën dhe zevendesoje pronat!
