Gjatë mbledhjes së zhvilluar në Këshillin Kombëtar të PD-së, deputeti demokrat Ervin Salianji u shpreh se është koha që në parti të kthehet gara dhe vota, e jo emërimit.

 

Ai solli në vëmendjen edhe Kuvendim Kombëtar të mabjtur më 18 dhjetor, për të cilin tha se atë ditë u zgjodh e ardhmja.

 

“Duhet të kthejmë garën dhe votën. Ky është Këshilli i parë pas Kuvendit të datës 18 Dhjetor, u pa qartë që foltorja nuk arriti qëllimin për të deligjitimuar asnjë institucion të PD-së. Po ashtu herën e kaluar në këtë Këshill u votua me votim të hapur dhe nuk kishte asnjë kontestim dhe rrethanat e reja. Por këto rrethana dhe pritshmëria e demokratëve dhe shqiptarëve tashmë nga ne është shumë me e madhe. Kështu disa problematika të ngritura janë shqetësime për demokratet, dhe duke qenë se kjo mbledhje është mbledhja e parë pasi Kuvendi Kombëtar i datës 18 Dhjetor zgjodhi te ardhmen duke u ndare nga çdo praktike e keqe e se shkuarës ne radhe te parë. Personalisht kam bere dhe do bej betejë për demokratët, e mendoj qe gara është themeli se si mund të përmiresohet shtëpia jonë PD. Duke qenë se jam i zgjedhur vete anëtar kryesie dhe nuk kam ambicie të tjera, propozoj qe të kemi votim të fshehtë dhe të propozoni alternativa te tjera për pozicionet”, tha Salianji.

Leave a Reply

Your email address will not be published.