Më 24 shtator, piktori Sali Shijaku u shua, por vepra e lënë pas jeton ende dhe do jetojë gjithmonë si pasuri e paçmueshme në veprat shqiptare. Thuajse një vit nga humbja e tij, i biri i piktorit, Orges Shijaku rrëfen amanetet e fundit të të atin dhe mënyrën si e kujton atë.
“Unë them që është një vit që normalisht është një humbje e madhe jo vetëm për artin shqiptar, për mua që kam qenë jashtëzakonisht shumë i lidhur me të në çdo vepër dhe në çdo realizim, në një farë mënyrë unë i kam ndenjur nga mbrapa, duke i shërbyer një kafe, duke i pastruar një penel apo duke i dhënë atë suportin tim për çdo veprim të çdo pikture. Mua më thoshte kur të të marrë malli për mua, hajde dhe komunikojmë nga galeria se gjallë do të jem unë, do jem aty dhe do bisedojmë nga pikturat. Shpesh raste vij këtu duke u qetësuar, duke para veprat dhe duke menduar se si të avancojnë disa nga veprat. Më ka lënë disa porosi në skulpturë që duhen mbaruar ato, që i ka lënë ai në proces”, tha ai.
Orges Shijaku ndau në emisionin Quo Vadis copëza nga përjetimet e piktorit, si ajo e humbjes së bashkëshortes.
“Ajo është një humbje e madhe jo vetëm për atë që ishte, por edhe për artin shqiptar për arsye se kur humbi Ana Maria filloi dhe frenimi nuk kishte më mbështetjen e prapavijës ai”, tha ai.
Në të njëjtën kohë ai thekson se piktori ishte një person me karakter të fortë, gjë të cilën e ka shpalosur dhe në artin e tij.
